Асоцијацијата на архитекти во петок ќе ја додeли наградата „Андреја Дамјанов“

Асоцијацијата на архитекти на Македонија (ААМ) под покровителство на Министерството за култура на Република Македонија, организира доделување на наградата за животно дело и особени достигања од областа на архитектурата и градителството, „Андреја Дамјанов“. Добитник на наградата за 2011 година е Мимоза Несторова Томиќ д.и.а. Доделувањето ќе се одржи на 4 Ноември (петок) со почеток во 19:30 часот, во црквата Пресвета Богородица  во Скопје, објект кој е дело на Дамјанов. Со добивањето на наградата, лауреатот станува академик при Архитектонската Академија на ААМ.

Андреја Дамјанов (1813-1878) е голем македонски архитект и градител кој во XIX век работел на проектирање и изградба на преку 40 црковни и профани објекти во Македонија и други земји.