Поставени два лава на мостот Гоце Делчев

Два од предвидените четири бронзени лава денска беа поставени на мостот „Гоце Делчев“, односно на неговиот западен приод. Постаментите се високи по 3,5 метри, а скулптурите чии автори се Дарко и Елена Дуковски се високи по 5 метри и тежат по 5 тони. Лавовите се претставени во стражарска позиција. Леени се во Фиренца и чинат 1 милион и 150 илјади евра. До Националниот празник, 8 септември, треба да завршат и сите преостанати работи, а според зборовите на авторот, пропратните релјефи на постаментите ќе бидат со мотиви од ајдутството и комитството. Се најавува дека наскоро ќе бидат поставени и другите два лава, кои ќе бидат различни и ќе се наоѓаат на другата страна од мостот.