Гранит ќе го гради новиот Кривичен суд во Скопје

Денес е потпишан договор помеѓу Министерството за правда на Република Македонија и ГД Гранит АД Скопје, за изградба на новa зграда во која ќе биде сместен Кривичниот суд. Објектот ќе никне во постојниот судски комплекс, веднаш до зградите на Врховниот суд, Апелациониот суд и Основниот суд Скопје 1, на празниот простор зад Архивот на Македонија. Инвестицијата изнесува 7,6 милиони евра, а рокот за завршување со градба е 18 месеци. Првично беше најавено дека изградбата ќе почне во март и дека и дека цената ќе биде околу 6 милиони евра.

На 8.862 метри квадратни корисна површина меѓудругото ќе има 74 судски кабинети, 22 средни судници, како и  2 големи репрезентативни судници, за 200 и за 100 лица. На приземјето ќе се наоѓа шалтерска сала за 60 вработени и спомен просторија, а во подрумот на две нивоа ќе има паркинг простор за 60 возила. Предвидени се три одвоени и независни комуникациски нивоа за јавноста, вработените и приведените лица.

Форумска дискусија за овој проект » овде