Пуштени во употреба три нови објекти на преминот Табановце

Најфреквентниот патен граничен премин во државава, Табановце, на македонско – српската граница, од денеска доби три нови современи објекти на Агенцијата за храна и ветерина. Објектите ќе бидат во служба на вршење ветеринарна и фитосанитарна контрола и се очекува значајно намалување на изгубеното време и трошоците на транспортерите кои превезуваат пратки подложни на таква проверка. Финансиите за реализација на проектот, во висина од 1,3 милиони евра, беа обезбедени од Европската унија. После станиците на граничните премини Богородица и Меџитлија, ова е трет ваков капацитет во државава. Во план е да се изградат слични станици и на Ќафасан, Блаце и аеродромот Александар Велики.