Претходна статија
МСУ во вторник домаќин на изложбата „Моја скопска приказна“Следна статија
Три населени места во општина Липково ќе добијат водовод
Утре се отвора изложбата од истражувачкиот проект „Скопските вертикали“
Во Музејот на град Скопје утре, 7 мај, со почеток од 20 часот, ќе биде отворена изложбата од истражувачкиот проект „Скопските вертикали“ на авторите Јован Ивановски, Ана Ивановска Дескова и Владимир Десков. Скопската публика на претстојниот настан ќе може да се запознае со изработената поставка, составена од макети, графички и фотографски материјали на висококатници изградени во Скопје во текот на дваесеттиот век. Како составен дел од истражувачкиот проект, авторите имаат изготвено книга во која е прикажан архивски, документарен и аналитички графички материјал за триесетина изградени примери на архитектонската типологија на скопски висококатници.
„Основна цел на истражувачкиот проект ‘Скопските вертикали’ беше документирање, проучување и претставување на истакнати примери на архитектонското творештво од периодот на Модерната, значајни за урбаниот развој на градот Скопје“ се нагласува во краткиот приказ на авторите за претстојната изложба. Настанот е во организација на Музејот на град Скопје, а раководител на проектот е Фросина Зафировска, кустос советник. Изложбата е финансиски поддржана од Министерството за култура и Град Скопје.
Утре се отвора изложбата од истражувачкиот проект „Скопските вертикали“
Во Музејот на град Скопје утре, 7 мај, со почеток од 20 часот, ќе биде отворена изложбата од истражувачкиот проект „Скопските вертикали“ на авторите Јован Ивановски, Ана Ивановска Дескова и Владимир Десков. Скопската публика на претстојниот настан ќе може да се запознае со изработената поставка, составена од макети, графички и фотографски материјали на висококатници изградени во Скопје во текот на дваесеттиот век. Како составен дел од истражувачкиот проект, авторите имаат изготвено книга во која е прикажан архивски, документарен и аналитички графички материјал за триесетина изградени примери на архитектонската типологија на скопски висококатници.
„Основна цел на истражувачкиот проект ‘Скопските вертикали’ беше документирање, проучување и претставување на истакнати примери на архитектонското творештво од периодот на Модерната, значајни за урбаниот развој на градот Скопје“ се нагласува во краткиот приказ на авторите за претстојната изложба. Настанот е во организација на Музејот на град Скопје, а раководител на проектот е Фросина Зафировска, кустос советник. Изложбата е финансиски поддржана од Министерството за култура и Град Скопје.
