Богданци годинава ќе добие Генерален урбанистички план

Најдоцна за 10 месеци треба да биде изработен новиот Генерален урбанистички план за Богданци. Планот ќе опфати површина од 388 хектари и се очекува неговата изработка да чини околу 1,8 милиони денари. Изготвувањето на овој документ се одложува веќе неколку години наназад, а локалните општински власти во претходните години во неколку наврати ја ветуваа изработката на оваа урбанистичка документација, но не ја завршија со успех целата постапка. Заинтересираните компании имаат рок до 19 март за да ги достават своите понуди за учество на тендерот распишан од општината. Главен критериум за избор е најниска понудена цена.