Продадена парцела за хотел под „Кале“

На денешното јавно наддавање во Министерството за транспорт и врски, за цена од 34.324.250 денари, односно 2.510 денари по метар квадратен, беше продадено државно градежно земјиште во општина Центар наменето за изградба на хотел. Парцелата со големина од 13.675 метри квадратни е вцртана во Деталниот урбанистички план „Централно зеленило покрај Вардар – Парк 2“ и се наоѓа на левиот брег на Вардар, непосредно под американската амбасада. Со планот е предвидена површина за градење од 4.745 метри квадратни, и објект со приземје и три ката, односно висина од 14,5 метри до венец. До Министерството пристигнаа вкупно 3 пријави за учество на јавното наддавање, а најповолната понуда ја имаше компанијата „Воденица Оне“.