Втора фаза од реконструкцијата на улицата Сарај

Градот Скопје денеска започна со градежни работи на втората фаза од реконструкцијата на главната сообраќајница во Сарај. Улицата ќе се санира во должина од околу 1.200 метри, на потегот од патот што води кон селото Љубин до крстосницата со локалниот пат кон селото Глумово и клучката кон Тетово. Со проектот е опфатена санација на коловозот и на тротоарите.

Втората фаза од реконструкцијата на улицата Сарај ќе се одвива во период од 140 дена и ќе ја изведува градежната фирма „Ескаватори МК“. Од градскиот буџет за овој проект се обезбедени 9,5 милиони денари.