Реконструкција на канализационата мрежа во Куманово

Општина Куманово го реализира проектот за изведба на канализациона мрежа во должина од 26 километри. Во моментов се вршат градежни работи на улиците „Перо Чичо“, „Кирил и Методиј“ и „Љупчо Арсов“, додека при крај се планираните активности на улиците „Перо Шварц“ и „Среќко Пужаљка“. Проектот финансиран од европските ИПА фондови треба да продолжи со реализација и во наредните месеци, со што ќе се санираат 20% од канализационата мрежа во вториот по големина град во земјава. Градежните работи ги изведува фирмата „Жикол“ од Струмица.

Паралелно со изградбата и реконструкцијата на канализационата мрежа, општина Куманово одвои околу 45 милиони денари за санација на патната инфраструктура. Градежните активности ќе се одвиваат постепено по завршувањето на подземната инфраструктура, а прва за санација е улицата „Среќко Пужаљка“ во центарот на Куманово. Очекувањата се дека ќе бидат санирани неколку кумановски улици во должина од околу 10 километри.

Проектот за изградба и реконструкција на канализационата мрежа во Куманово започна со реализација кон крајот на јули минатата година.