Втор тендер за изградба на системот за наводнување Равен – Речица

Откако првиот тендер заврши без избор на изведувач на градежните работи, Министерството за земјоделство, шумарство и водостопанство денеска го објави вториот по ред повик за реализација на системот за наводнување Равен – Речица. Со проектот е предвидено да се реализира главниот довод за наводнување, со кој во Полошкиот регион ќе се снабдуваат со вода околу 3.200 хектари земјоделско земјиште. Проценетата вредност на проектот изнесува 769.241.566 денари, односно околу 12,5 милиони евра без вклучен ДДВ. Системот за наводнување Равен – Речица треба да се заврши во целост за најмногу пет години. Заинтересираните градежни фирми за учество во тендерската постапка треба да ги поднесат своите понуди најдоцна до 4 август.

Бојан Блажевски

bojan.blazevski@build.com.mk