1,2 милиони евра за три фасади на улица „Македонија“

Градските власти на Скопје продолжуваат со менувањето на изгледот на објектите во центарот на градот. Објавен е нов тендер преку кој се бара изведувач којшто ќе ги реконструира фасадите на три згради на улица „Македонија“ со број 9, 10 и 12, а градската администрација проценува дека новите „стилски“ фасади ќе чинат околу 1,2 милиони евра. Крајниот рок за доставување понуди е 09.05.2016. Во градскиот буџет за годинава за „барокизација“ на фасади се предвидени околу 6 милиони евра. Периодов што следи, меѓудругите треба да се рефасадираат и зградите во близина на плоштадот „ВМРО“, односно објектите „Палома бјанка“, „Технометал“, ТЦЦ „Плаза“ и „Лотарија на Македонија“.