Охрид ќе добие електронски информативни табли

Општина Охрид ќе  постави нови информативни табли со екран на допир коишто ќе бидат во функција на обезбедување на информации за туристичките локалитети. Општинските власти велат дека проектот е по сугестија на повеќе странски дипломати, туристички работници и гости со што туристичкиот центар на Македонија конечно ќе добие современи уреди за информирање на туристите за познатите локалитети во овој град.

Поставувањето на првите електронски информативни табли се очекува да започне по завршувањето на отпочнатата тендерска процедура и изборот на најповолен понудувач, а средствата за оваа намена се предвидени со Планот за јавни набавки од буџетот на Општина Охрид.

Бојан Блажевски