Претходна статија
Туристички комплекс е предвидено да се гради во охридски ДалјанСледна статија
„Гранит“ забележал раст на добивката во 2015 година
Скопски „Бетон“ лани ја зголемил добивката за 30,86%
Градежната компанија „Бетон“ од Скопје лани остварила позитивни финансиски резултати. Според објавените податоци на Македонската берза, фирмата забележала годишна добивка од 91.088.998 денари, што е за 30,86% повеќе во споредба со периодот јануари – декември 2014 година. Во 2015 година се остварени вкупни приходи од 3.012.172.913 денари, кои во споредба со 2014 година се повисоки за 9,18%. Во структурата на приходите најголемо учество од 93,32% имаат приходите од основната дејност на компанијата.
Вкупните расходи во текот на 2015 година изнесувале 2.902.861.644 денари, што е за 8,64% повеќе во однос на истиот период од претходната година. Скопски „Бетон“ лани инвестирал околу 46,6 милиони денари во градежни објекти, машини и опрема, а во оваа компанија се вработиле и 90 нови лица. Вкупните обврски на компанијата по краткорочни кредити изнесуваат 337.904.493 денари, додека пак обврските по долгорочни кредити 91.287.165 денари.
Скопски „Бетон“ лани ја зголемил добивката за 30,86%
Градежната компанија „Бетон“ од Скопје лани остварила позитивни финансиски резултати. Според објавените податоци на Македонската берза, фирмата забележала годишна добивка од 91.088.998 денари, што е за 30,86% повеќе во споредба со периодот јануари – декември 2014 година. Во 2015 година се остварени вкупни приходи од 3.012.172.913 денари, кои во споредба со 2014 година се повисоки за 9,18%. Во структурата на приходите најголемо учество од 93,32% имаат приходите од основната дејност на компанијата.
Вкупните расходи во текот на 2015 година изнесувале 2.902.861.644 денари, што е за 8,64% повеќе во однос на истиот период од претходната година. Скопски „Бетон“ лани инвестирал околу 46,6 милиони денари во градежни објекти, машини и опрема, а во оваа компанија се вработиле и 90 нови лица. Вкупните обврски на компанијата по краткорочни кредити изнесуваат 337.904.493 денари, додека пак обврските по долгорочни кредити 91.287.165 денари.
