Осветена црквата „Света Петка Преподобна“ во Кавадарци

Во Кавадарци денеска беше осветена црквата „Света Петка Преподобна“. Објектот се градеше пет години (изградбата започна на почетокот од август 2010 година), а ктитори беа „Фени индустри“, „Кожувчанка“, „Градба промет“ и Општина Кавадарци. Внатрешниот дел од црквата се простира на 207 метри квадратни, со два параклиси и камбанарија со површина од 100 метри квадратни. Трите ѕвона на камбанаријата се изработени од австриската компанија „Гросмаер“. Верскиот објект ја претставува ранохристијанската архитектура и е изведен според проектот на архитектот Трајче Грков.

Со чинот на осветување чиноначалствуваше Неговото блаженство, Архиепископот Охридски и Македонски г.г. Стефан, по што следеше и свечена литургија.

» Форумска дискусија за овој проект