„Антура“ отвори фабрика за производство на расади во Кочани

Холандската компанија за производство и пласман на цвеќе „Антура“ денеска го отвори својот нов индустриски капацитет во Кочани, инвестиција во висина од шест милиони евра. Општина Кочани вложи во изведба на водоводната и канализационата мрежа, тротоари и улично осветлување за новата фабрика. Целокупната реализација на инвестицискиот потфат се реализираше во изминативе две години. Во објектот е инсталирана модерна опрема за производство, а најавено е вработување на 400 лица.

_{* извор на фотографија: Влада на Р.М.}

Сопственикот на „Антура“ Иван Ван Дер Кнаап истакна дека по Холандија, Германија и Кина, тие ја отвораат нивната нова фабрика во Кочани. „Не само што имаме луѓе вклучени во доменот на одгледување, лаборатории и производство, туку имаме и во продажба, маркетинг, планирање, техничка поддршка, финансии и човечки ресурси. Во текот на 40 години, од мал семеен бизнис прераснавме во водечка компанија на светскиот пазар за одгледување антуриум и орхидеи“, рече Ван Дер Кнаап.