Скопски „Бетон“ ќе реконструира локални патишта во земјава

Јавното претпријатие за државни патишта склучи два нови договори со градежната компанија „Бетон“ од Скопје за рехабилитација на локални патни правци во скопскиот, северниот, полошкиот и југозападниот регион од земјава. Според објавеното известување на веб страницата на Македонска берза, станува збор за четвртата фаза од договорите за реконструкција на локални патишта од ЛОТ 1 и ЛОТ 2 програмите. Од државниот буџет за подобрување на македонската патна инфраструктура во овие региони се предвидени 191.714.135 денари или околу 3,1 милиони евра, без вклучен ДДВ.