Претходна статија
„Бауер БГ“ ќе го гради пешачкиот мост над автопатот кај ХиподромСледна статија
АДСДП ќе гради повеќе комерцијални станови во 2015 година
Владата подготви нов Закон за градежно земјиште
По бројните измени и дополнувања во изминативе неколку години, Владата подготви нов Предлог – закон за градежно земјиште, кој претстојниов понеделник ќе се најде на прво читање пред пратениците од собраниската Комисија за транспорт, врски и екологија. Агенцијата за промоција и поддршка на туризмот ќе биде институцијата што ќе го продава градежното земјиште во идните туристички развојни зони, меѓу кои е и долгонајавуваната и контроверзна зона во Љубаништа. Освен оваа институција, во иднина градежното земјиште ќе може да отуѓува и Дирекцијата за технолошко индустриски развојни зони во однос на парцелите што се лоцирани во индустриските зони, исто како и македонските локални самоуправи, Градот Скопје, но и Министерството за транспорт и врски.
Во оние случаи кога не е префрлено земјиштето на општините, постапката за отуѓување и давање на градежните парцели под долготраен закуп ќе ја врши Министерството за транспорт и врски, и тоа од посебна петочлена комисија формирана од самиот министер. Оваа одредба и понатаму ќе продолжи да важи за општина Центар, бидејќи надлежното министерство и ги нема префрлено ингеренциите на актуелното раководство на оваа локална самоуправа. Покрај по пат на електронско јавно наддавање, со Предлог – законот за градежно земјиште се определува и начинот на продажба и давање под закуп на земјиштето по принципот на непосредба спогодба.
Како и досега, институциите што го продаваат градежното земјиште ќе можат да побараат серија од критериуми за реализација на отуѓувањето на земјиштето, меѓу кои е и барањето за фасадно обликување на идниот објект според претходно изготвено и одобрено идејно решение, принцип кој досега функционираше за централното градско подрачје на Скопје. Предвидено е новиот закон да стапи во сила од 1 јули 2015 година. Во претстојната собраниска процедура е можно да претрпат измени дел од предложените членови од новиот Закон за градежно земјиште.
Бојан Блажевски
Владата подготви нов Закон за градежно земјиште
По бројните измени и дополнувања во изминативе неколку години, Владата подготви нов Предлог – закон за градежно земјиште, кој претстојниов понеделник ќе се најде на прво читање пред пратениците од собраниската Комисија за транспорт, врски и екологија. Агенцијата за промоција и поддршка на туризмот ќе биде институцијата што ќе го продава градежното земјиште во идните туристички развојни зони, меѓу кои е и долгонајавуваната и контроверзна зона во Љубаништа. Освен оваа институција, во иднина градежното земјиште ќе може да отуѓува и Дирекцијата за технолошко индустриски развојни зони во однос на парцелите што се лоцирани во индустриските зони, исто како и македонските локални самоуправи, Градот Скопје, но и Министерството за транспорт и врски.
Во оние случаи кога не е префрлено земјиштето на општините, постапката за отуѓување и давање на градежните парцели под долготраен закуп ќе ја врши Министерството за транспорт и врски, и тоа од посебна петочлена комисија формирана од самиот министер. Оваа одредба и понатаму ќе продолжи да важи за општина Центар, бидејќи надлежното министерство и ги нема префрлено ингеренциите на актуелното раководство на оваа локална самоуправа. Покрај по пат на електронско јавно наддавање, со Предлог – законот за градежно земјиште се определува и начинот на продажба и давање под закуп на земјиштето по принципот на непосредба спогодба.
Како и досега, институциите што го продаваат градежното земјиште ќе можат да побараат серија од критериуми за реализација на отуѓувањето на земјиштето, меѓу кои е и барањето за фасадно обликување на идниот објект според претходно изготвено и одобрено идејно решение, принцип кој досега функционираше за централното градско подрачје на Скопје. Предвидено е новиот закон да стапи во сила од 1 јули 2015 година. Во претстојната собраниска процедура е можно да претрпат измени дел од предложените членови од новиот Закон за градежно земјиште.
Бојан Блажевски
