„Гранит“ годинава со пад во добивката од дури 31%

„Гранит“ АД Скопје во првите девет месеци од 2014 година бележи негативен тренд во финансиското работење. Вкупната добивка на најголемата градежна компанија во земјава изнесувала 184.416.000 денари (околу 3 милиони евра) што е за 31% помалку во споредба со периодот јануари – септември 2013 година. Во неконсолидираниот биланс на успех се наведува дека оперативните приходи биле 2.498.829.000 денари (околу 40,5 милиони евра), односно се намалени за 33%. Истовремено, оперативните расходи се намалени за 34% и паднале на 2.315.225.000 денари (околу 37 милиони евра). Најголемо процентуално зголемување бележат финансиските расходи, каде што годинава постои зголемување од дури 58%.