Пуштено е во употреба патното одмориште на Лукоил на автопатот Скопје – Тетово

Лукоил денеска ја отвори својата 12-та бензинска станица во Македонија. Се работи за повеќенаменски комплекс кој се простира на 17.670 метри квадратни и покрај бензинска станица содржи паркинг за тешки товарни возила, автосалон на Мерцедес и кафе-ресторан на австрискиот бренд „Coffeeshop“. Локацијата е на автопатот М-4 во правец од Тетово кон Скопје, во близина на наплатната станица Глумово и на околу 5 километри од влезот во главниот град. Пристап ќе има и за возилата што се движат по локалниот пат Р-402. Комплексот е заедничка инвестиција на Лукоил со компанијата „Ас Оил М1“ која е овластен застапник на производите на „Mobil“ и „Esso“ за Македонија и Косово.