Поставени спомениците на просветителите

Утрово на Плоштадот Карпошово Востание во Скопје, од двете страни на Камениот мост беа поставени бронзените споменици на сесловенските просветители Свети Кирил и Методиј и на нивните ученици Свети Климент и Наум Охридски.  Методиј и Климент се претставени како владици, а Кирил и Наум како монаси. Попладнево се монтираа за проектот „Скопје 2014“ стандардните бронзени рељефи и се дообработуваа постаментите. Ќе следува хортикултурно уредување и поставување на урбана опрема во околината на обележјата. Споменикот на Свети Кирил и Методиј чини 540 илјади евра и негов автор е Жарко Башески, а автор на споменикот на Свети Климент и Наум е Перо Кованцалиев и тој чини 580 илјади евра.