ИНТЕРВЈУ: Кандидати за градоначалник на Скопје

„Билд“ стапи во контакт и испрати идентични прашања до кандидатите за градоначалник на Град Скопје кои влегоа во вториот круг на изборите – од владејачката коалиција „За подобра Македонија“, Коце Трајановски и од опозициската коалиција „Сојуз за иднината“, Јани Макрадули.

До моментот на оваа објава, одговори добивме само од кандидатот Јани Макрадули. Покрај писмениот контакт по електронска пошта, се обидовме да го реализираме интервјуто со кандидатот Коце Трајановски и преку директен контакт со неговиот изборен штаб. Во интерес на еднаква застапеност на двајцата претенденти на градоначалничката функција и избалансиран пристап кон темите кои ја тиштат македонската метропола, искрено се надеваме дека и кандидатот од владејачката коалиција ќе реши да учествува и ќе испрати одговори на нашите прашања до почетокот на изборниот молк.