Продолжува промената на фасадите околу Плоштадот Македонија

Град Скопје започна со реализација на проектот за реконструкција на фасадата на зградата на улица Никола Вапцаров бр.2 (објектот над кафулето „Тренд“). Предвидено е да се интервенира врз површина од 210 метри квадратни, односно челниот дел на објектиот кој гледа кон Плоштадот Македонија. Проектот за реконструкција на оваа фасада го изработи „Жагра-ком“, а за градежните работи е задолжена фирмата „Бауер БГ“, која треба да ја комплетира задачата во рок од 90 дена. Зафатот ќе чини околу 3,5 милиони денари.