5,8 милиони евра за одржување на главните патишта низ земјава

Јавното претпријатие за државни патишта објави тендер за избор на градежни компании што ќе ја вршат поправката и рехабилитацијата на државните патишта од А категорија во наредните 12 месеци. Изведбените работи ќе се вршат на оние патни правци за кои е оценето дека е неопходна санација на коловозот или друг инфраструктурен објект на одредените делници. Проценетата вредност на проектот изнесува околу 354 милиони денари, односно околу 5,8 милиони евра.

Договорите за изведба на градежните работи ќе се склучат со повеќе градежни фирми, а главен критериум за избор на операторот е понудената најниска цена. Во групата на патни правци од А категорија влегуваат автопатиштата и експресните патишта во нашата земја.