„Рајска градина“ во „барокен“ стил вреден милиони евра

„Призма“ денеска го објави идејното решение за проектот „Рајска градина“ што е предвидено да се гради во скопската општина Аеродром. Реплика на Венера Милоска, антички ликови, лавови и грифони ќе се распостелат на површина од 15 хектари, на локација веднаш до Куќата на фудбалот на ФФМ. Во идејниот проект е наведено дека паркот ќе има декоративни елементи во стилот на неокласицизам, павилјон, летниковец, статуи и скулптури со фонтани. Проектот е изработен од бирото „Архитектоника“ од Скопје, а зад идејното решение се потпишани Жарко Чаушевски, Филип Богатинов и Македонка Чаушевска.

Со проектот „Рајска градина“ е зацртано во населбата Ново Лисиче да се изведат четири типа фонтани. Највисоката, со висина од 13 метри е замислена како обелиск со женска фигура на врвот, а другите три се пониски, со скулптура во центарот и околу самата фонтана. За раскошните решенија од паркот е предвидено да се издвојат 15 милиони евра, без вкалкулиран ДДВ. И додека во медиумите се откриваат детали во врска со најавената „Рајска градина“, Електрани на Македонија ги очекува градежните фирми да достават понуди за изведба на проектот. За паркот е отворен тендер за избор на изведувач до 23 јуни.

» Форумска дискусија за овој проект

Мултифункционален објект во паркот:

Реплика на Милоската Венера и други статуи:

Фонтани:

Саат чешма, летниковец, павилјон и песочник:

Детали од фасадата на предвидениот национален ресторан во паркот: