Се гради локалниот пат до манастирот „Свето Преображение“ во Зрзе

Во текот на минатата недела стартуваше изградбата на патот до манастирот „Свето Преображение“ во село Зрзе, општина Долнени. Должината на локалниот пат изнесува 7,5 километри и истиот треба да се комплетира во временски период од една година, а финансиската конструкција за зафатот изнесува 1,7 милиони евра. Според зацртаното во проектот, последните 350 метри од патот ќе бидат изведени со коцка и ќе формираат пешачка зона, со што ќе се ограничи пристапот на возила во рамките на манастирскиот комплекс. Манастирот „Свето Преображение“ е лоциран на околу 30 километри од Прилеп, а во моментов до него се стигнува единствено по земјен пат.