Претходна статија
Современ терен и нова атлетска патека за Националната аренаСледна статија
Камен - темелник за нов базен во Куманово
ЕЛЕМ доби заем за изградба на ХЕ Бошков мост
Како што беше најавено минатата година, изградбата на хидроелектраната Бошков мост ќе биде помогната од Европската банка за обнова и развој (ЕБОР). За таа цел денес беше потпишан договор за заем помеѓу АД ЕЛЕМ и ЕБОР, како и договор за гаранција на заемот помеѓу Рапублика Македонија и ЕБОР. Со договорите ЕБОР одобрува кредит во износ од 65 милони евра кој ќе биде достапен во рок од еден месец. Покрај тоа, ЕЛЕМ во изградбата на хидроелектраната ќе вложи и сопствени средства во износ од 42 милиони евра. Заемот на ЕБОР е надополнет со грант од 340 илјади евра за обезбедување техничка и еколошка длабинска анализа. Денеска ЕЛЕМ потпша договор и со консултантот за реализација на проектот, конзорциум составен од две швајцарски компании „Штуги“ и „АФ Консалтинг“. Договорот е склучен за времетраење од 58 месеци, а неговата вредност е 3,4 милиони евра, сопствено учество на ЕЛЕМ.
ХЕ Бошков мост е лоцирана во близината на Дебар. Таа ќе биде типично деривациона постројка каде ќе бидат зафатени водите од Мала Река и нејзините притоки. Предвидена е изградба на насипана брана со висина од 33 метри и акумулација со корисна зафатнина од речиси 900 илјади метри кубни, доводен тунел со дијаметар од три метри и должина 8.742 метри, шест зафати од тиролски тип и доводни канали во вкупна должина од 11.366 метри, кои ќе ја носат водата во главниот доводен тунел и машинската зграда.
Градежните работи треба да започнат во вториот квартал од наредната година, а хидроелектраната се предвидува да профункционира во 2016 година. Нејзината инсталираната моќност ќе изнесува 68,2 мегавати со просечно годишно производство на електрична енергија од 117,54 гигават часови.
ЕЛЕМ доби заем за изградба на ХЕ Бошков мост
Како што беше најавено минатата година, изградбата на хидроелектраната Бошков мост ќе биде помогната од Европската банка за обнова и развој (ЕБОР). За таа цел денес беше потпишан договор за заем помеѓу АД ЕЛЕМ и ЕБОР, како и договор за гаранција на заемот помеѓу Рапублика Македонија и ЕБОР. Со договорите ЕБОР одобрува кредит во износ од 65 милони евра кој ќе биде достапен во рок од еден месец. Покрај тоа, ЕЛЕМ во изградбата на хидроелектраната ќе вложи и сопствени средства во износ од 42 милиони евра. Заемот на ЕБОР е надополнет со грант од 340 илјади евра за обезбедување техничка и еколошка длабинска анализа. Денеска ЕЛЕМ потпша договор и со консултантот за реализација на проектот, конзорциум составен од две швајцарски компании „Штуги“ и „АФ Консалтинг“. Договорот е склучен за времетраење од 58 месеци, а неговата вредност е 3,4 милиони евра, сопствено учество на ЕЛЕМ.
ХЕ Бошков мост е лоцирана во близината на Дебар. Таа ќе биде типично деривациона постројка каде ќе бидат зафатени водите од Мала Река и нејзините притоки. Предвидена е изградба на насипана брана со висина од 33 метри и акумулација со корисна зафатнина од речиси 900 илјади метри кубни, доводен тунел со дијаметар од три метри и должина 8.742 метри, шест зафати од тиролски тип и доводни канали во вкупна должина од 11.366 метри, кои ќе ја носат водата во главниот доводен тунел и машинската зграда.
Градежните работи треба да започнат во вториот квартал од наредната година, а хидроелектраната се предвидува да профункционира во 2016 година. Нејзината инсталираната моќност ќе изнесува 68,2 мегавати со просечно годишно производство на електрична енергија од 117,54 гигават часови.
