Се разбуди мечката од зимскиот сон… и стави олуци

По оправданата пауза во изградбата, што поради зимскиот сон, што поради „земање душа“ со првото сонце се вративме во „игра“. Поставивме хоризонтални олуци на кровот. Монтажата траеше кратко време во периодот од 14-16 март 2011. Се одлучивме за пластифицирани лимени олуци во правоаголна форма со темно кафеава боја. Заради поставување топлинска изолација на стреата (кога ќе се прави фасадата) решивме да се поместиме со олуците кон надвор. Заради тоа, се заковаа летвички 5×5 cm на кои се монтираа држачите за олуците и самите олуци. Еве како изгледаше целиот процес за изведба на оваа позиција.